Budaya batak Pemberian Marga
Budaya batak Pemberian Marga (Mamampe Marga), Hombar tu paradaton ni halak Batak, ingkon adong do marga asa boi mardalan adat na gok, contoh: pangolihon anak/pamuli boru.
Jadi Molo mangulahon adat Batak na gok ingkon mangadopi dalihan natolu do, ima:
1. Dongan tubu
2. Boru
3. Hulahula
Di ganup ulaon adat, lumobi adat na gok adong do panghataion namasialus-alusan dohot aturan na. Sian parmulaan ni panghataion sahat tu na patorang tujuan/maksud ni ulaon nunga i di bagasan acara khusus. Jadi Tingki mandok hata jotjot do mangalapik umpasa/umpama batak.
Adat Budaya batak Pemberian Marga (Mamampe Marga), Somal na dongan tubu ni suhut na dua pihak masisungkunan, manungkun dohot mangalusi ruhut ni ulaon.
Ido alana molo adong anak baoa/boru-boru sian na so Batak naeng pajongjong rumatangga dohot anak boru-boru/baoa ni halak Batak, ingkon pampehononhon do marga tu anak/boru na so marmarga i. Jadi Marga na mamamampehon i ma nagabe mangamai ulaon i dipangkataion adat.
Pemberian Marga (Mamampe Marga)
Molo mamampehon marga tu anak baoa ingkon setuju do:
1. Dongan tubu ni marga sipampeon i
2. Boru ni marga sipampeon i
Alana mulai sian na ampe marga i tu ibana nunga tarsurat be ibana di silsilah/tarombo ni margana i, jala pinomparna pe ingkon mangihuthon sundut ni tarombona ma tu joloan ni ari ima marga ni ama.
Jadi di na mamampe marga, panghataion ni hasuhuton, dongan tubu dohot boru ni marga sipampeon i tung manontuhon do di ulaon i.
Di ulaon si songon on, hasuhuton pasahathon tudu-tudu ni sipanganon ma tu dongan tubu na.
Manungkun ma dongan tubu taringot tu tudu-tudu ni sipanganon i. Udut tu si, mampatorang hasuhuton ma maksud/tujuan ni ulaon i.
Ingkon adong do antong sada ni roha di hasuhuton, dongan tubu songon i nang boru na, asa dapot songon ni dok ni umpama:
Bonang sada hulhulan
Hori sada simbolan
Tangkas masisungkunan
Unang adong masisolsolan
Selanjutnya Dung adong sada ni roha di angka hasuhuton, dongan tubu dohot boru, mampaboa ma tu hulahula naung sorang berenasida.
Baca Juga Adat Batak lainnya :
Adat Budaya Batak Sanggul Marata (Sijagaron) Khusus Natua-tua (Mauli Bulung)
Adat Budaya Batak Acara Meninggal Dunia (Ulaon Na Monding)
Adat Budaya Batak Mangongkal Holi
Adat Budaya Batak Tambak na Timbo, Batu Napir dan Tugu
Molo mamampe marga anak baoa
Jadi Hulahula pe, songon patuduhon las ni rohana tong do adong dipasahat tu berena. Molo mamampe marga anak baoa somalna sigagat duhut (horbo) do dipatupa parjuhutna, ai pesta bolon do sisongon i.
Di tingki saonari on, molo hurang sihumisik, hape porlu ingkon pampeon marga, dipatupa ma pinahan lobu juhutna jala digoari ma i na mangain (adopsi/angkat). Molo tarbahen, patupaonna do muse pesta na bolon/manullang horbo lumobi molo mamampe marga ni anak baoa. Alai molo mambahen marga ni boru (mangain/marmeme) nang pe so pesta bolon tong do uli, alana marga ni boru dang boanonni pinomparna gabe marga na.
Jadi mambahen marga ni boru jotjot do dipatupa parjuhutna piunahan lobu, tung mansai uli do molo sigagat duhut parjuhut na.
Molo mamampe marga ingkon jouon do:
1. Dongan tubu
2. Boru/bere
3. Dongan sahuta
4. Hulahula
Songonon ma urutan pangulahonna dung adong dos ni roha di dongan tubu dohot boru/bere:
1. Natorasna:
Marmeme (anak baoa/anak boru) disulanghon tolu hali
Indahan
Dengke
Mual sitio-tio
Pasahat Ulos
Muse Pasahat parbue gabe
2. Hulahula
Ima Pasahat dengke
Dungi Pasahat ulos
Pasahat parbue gabe
3. Marsipanganon
4. Pasahat upa panggabei (hepeng)
Dongan tubu
Boru, bere
Dongan sahuta, ale-ale
5. Pasahat piso-piso (hepeng) tu hula-hula dohot uduranna
6. Marhata gabe horas, manggabei ma angka raja
7. Mangampu hasuhuton
8. Dipasahat ma tu hulahula asa diujungi dohot ende/tangiang
Catatan :
Di tingki on nunga adong perkembangan/modifikasi adat Batak ima di paradaton perkawinan campuran
(Anak baoa/anak boru sian na so Batak dohot anak boru/baoa ni halak Batak).
إرسال تعليق
Silahkan berkomentar dengan sopan. Trimakasi