Perkawinan yang terjadi tanpa restu orangtua, atau bisa dikatakan pernikahan yang tidak diadati (mangadati). Secara konseptual berati sepasang muda-mudi yang kawin dengan cara di luar prosedur perkawinan ideal karena satu atau beberapa hal, seperti karena masalah ekonomi (masalah pembayar sinamot yang kurang), masalah sosial (perbedaan status ditengah kehidupan masayarakat) ataupun masalah yang lainnya. Dalam hal ini berarti kawin tanpa melalui prosedur pembayaran sinamot terlebih dahulu. Dalam mangalua ini seakan akan adalah soal belakang, yang penting adalah mereka kawin dulu.
Nunga adong dos ni roha (tahi) ni sada doli-doli dohot sada namarbaju pajongjong ruma tangga (keluarga naimbaru) alai natua-tua ni sidoli songon i nang natua-tua ni namarbaju i ndang manolopi di rencana nasida i, gabe tubu tu pingkiran nasida laho menempuh jalan pintas: “Mangalua (kawin lari)”.
Najolo andorang so ro dope ugamo Kristen tu tano Batak, molo diluahon doli-doli sada namarbaju tu hutana pintor dipaboa doli-doli i do tu natorasna. Paranak pe dijou ma dongan tubu, boru, bere dohot dongan sahutana laho patupahon partangiangan. Sidung marsipanganon, mandok hata gabe ma angka tutur tu hasuhuton dohot tu pengantin baru.
Mangampu ma muse suhut dohot pengantin baru, dung i dipasahat ma tu haha ni partubu asa diujungi dohot tangiang. Dung i laho ma dongan tubu dohot pamoruonna (hira-hira 3-4 halak) tu huta ni parboru manaruhon (boa-boa) na Jambar Suhut (Namarhodong). Alai dung ro ugamo Kristen tu tano Batak, tu jabu ni pangula huria nama pangalua dohot naniluahon na laho, jala disi ma tinggal na marbaju i paima sahat tu panghataion ni natuatua asa boi marpasupasu.
Molo ndang tu jabu ni pangula ni huria dianggap melanggar peraturan ni gareja do gabe dipabali/dipecat sian huria.
Adong do piga-piga cara pamasu-masuon ni na mangalua:
1. Diadopi holan tutur ni paranak (dongan tubuna, boru/berena dohot dongan sahutana) Dung sidung pamasu-masuon di gareja, digongkhon paranak ma sude tondongna tu jabu nasida laho patupa partangiangan. Sidung marsipanganon sude ma angka tondong na ro i pasahat hata gabe tu hasuhuton dohot tu pengantin baru.
Dung diampu suhut dohot pengantin baru dipasahat ma tu haha ni partubu asa diujungi dohot ende/tangiang. Dung i laho ma muse dongan tubu dohot boruna manaruhon ihur ihur tu parboru paboa naung dirajahon boru nasida.
2. Diadopi tutur pihak paranak dohot paidua ni suhut parboru.
Godang do na mangulahon dipasupasu di jabu na mangalua. Dung sidung dipasu-pasu pangula ni huria pintor dipatupa do partangiangan. Dung sidung marsipanganon dibagi ma parjambaran.
3. Diadopi Paranak alai mangihut muse dohot Parboru
Dung diboto paranak naung mangalua anakna di jabu ni pangula ni huria, paranak dohot dongan tubu, boru/berena patupa sipanganon dohot namargoarna laho boanon nasida tu huta ni parboru.
Mansai denggan do dipaboa haroro ni paranak tu parboru asa diboto parboru manggonghon angka tutur dohot dongan sahutana jala parboru paradehon dengkena sipasahoton na tu paranak. Andorang so marsipanganon dope, dipasahat ma tudu-tudu ni sipanganon jala parboru pe pasahathon dengke na.
Ia tudutudu ni sipanganon sian paranak dohot dengke sian parboru dipeakhon do i di tongatonga ni loloan, i ma naginoaranna “Jambar Niadopan”.
Dung sidung marsipanganon, disungkun parboru ma lapatan/hata ni sipanganon na binoan ni paranak. Di ombas on ma dipaboa paranak tu parboru naung di jabu ni pangula ni huria anakna dohot boruni nasida marsada tahi laho pajongjong ruma tangga naimbaru.
Suman do ulaon on songon ulaon Marhusip jala laos di son do dirang-rangi: a. Godang ni sinamot
b. Suhi ni ampang na opat
c. Tintin Marangkup
d. Godang ni ulos
e. Ari/inganan pamasu-masuon
f. Godang ni undangan
Molo ulaon sadari do paranak dohot parboru paradehon jualna asa adong pangkeonna di ulaon mebat.
Pesta unjuk si songon on somalna metmet do alai ruhut-ruhut ni paradaton sarupa do tu pesta unjuk taruhon/nialap jual.
إرسال تعليق
Silahkan berkomentar dengan sopan. Trimakasi