Adat Budaya Batak Umpasa Tulang/Hula-hula pasahat on Ulos Saput/Tujung

Adat Budaya Batak

1. Ulos Saput  

 “Dison bere hupasahat hami dope sada ulos tu songon saput ni dagingmu, ulos   parpudi laho manopot sambulom. Songon tanda do on na dohot hami mar habot ni   roha di halalaom. Pabulus roham, topot ma ingananmu rap dohot Tuhanta patulus   pardalanmu”. 

 2. Ulos Tujung  

“Sadarion (ito, hela) pasahaton nami do tuho ulos tujung. Beha bahenon (ito, hela),  nunga songoni huroha bagianmu, marbahir siubeonmu, sambor nipim mabalu  ho. Alani i unduk ma panailim marnida halak, patoru ma dirim marningot Tuhan.  Songon nidok ni umpasama dohonon nami” : 

Hotang binebe bebe, hotang pinulos-pulos, Unang iba mandele, ai godang do tudos tudos.  

3. Mangungkap tujung  

“Sadarion ungkapon nami ma tujung on sian simanjujungmu. Asa ungkap na ari  matiur, ungkap silas ni roha tu hamu di joloanon, Husuapi ma (dainang/helangku)  asa bolong sude ilu ilum, na mambahen golap panailim”. 

“Sai bagot na ma dungdung ma tu pilo-pilo na marajar, sai mago ma na lungun tu  joloanon, ro ma na jagar.  

Dison muse aek sitio-tio inum (dainang, laengku) ma on, sai tio ma panggabean, tio  parhorasan di hamu tu joloan on. Huhut dison boras si pir ni tondi, sai pir ma nang  tondim :  

Martantan ma baringin, marurat jabi jabi, horas ma tondi madingin, tumpakon ni  Mulajadi Nabolon.