Adat Budaya Batak Umpasa Tintin Marakkup

1. Ingkon rata na martumpuk, tabo di luat Pangaribuan  

Pasahaton nami ma tintin marangkup, tu hamu dongan  

Parhundulan nami marga ……..  

2. Harangan ni dulang, hatubuan ni rengge-rengge  

Horas jala gabe uhum martulang, gabe jala horas uhum marbere  

3. Bulung namartampuk, bulung ni simarlasuna,  

 Nunga hujalo hami tintin marangkup,  

 Dohonon ma hata pasu -pasuna.  

4. Hot pe jabu i, pinahot ni Golang-golang,  

 Sian dia pe mangalap boru bere i, tong doi boru ni Tulang.  

5. Sai tong doi lubang nangpe dihukupi rere,  

 Sai tong doi boru ni Tulang, manang boru ni ise pei dialap bere.  

6. Amak do rere, dakka do dupang,  

 Anak do bere, Amang do Tulang.  

7. Dangka do Dupang, Amak do Rere  

 Damang do Tulang Anak do bere  

8. Asing do huta Hullang, asing muse do huta Gunung Tua,  

Asing do molo tulang, asing muse do molo gabe dung simatua.  

9. Sai tong ma tarida, nang pe dibalik ni rere  

Sai tong mai boru ni iba, molo ni alap ni bere.  

10. Amak do rere, anak do bere