Adat Budaya Batak Umpasa saat Kelahiran dan Babtis

1. Rumah ijuk ma, pa-adop-adop ruma gorga 

Sai tubu ma anak na bisuk, dohot boru angka na malo mar roha 

2. Tombakna tombak sampinur, didolok ni huta ni simamora 

Pinomparmu lam torop maribu, angka nasangap jala mamora 

3. Tangki jala ualang, galinggang ja garege, sai tubu ma dihamu 

Anak partahi, jala ulubalang dohot boru na mora jala par-eme  

4. Habang ambaroba, di atas ni Sibuntuan 

Sai na burju ma ibana marroha jala jolma sitiron 

5. Tibo dolok martimbang, toru nai dalan tu si Tapongan 

Sai masu-masu ma Debata sian banua ginjang, sai  

Ditambai Tuhanta ma di hamu angka sinadongan 

6. Marbatu ma singkoru, marpulung ia palia 

Sian pulung na i, roma parbuena 

Dung sorang anak, manang boru 

Boanon mai tu pandidion na badia, laos disi mangalap goarna  

7. Tubu ma tanbisu, ditoru ni pinasa 

Sai martinodohon dope dakdanak na baru tardidi on 

8. Dangka ni bulung godang, pinangait-aithon 

Sai simbur ma godang ma ibana mamboan goar nai,  

Sitongka panahit-nahiton 

9. Dolok ni aeknauli, hatubuan ni simarhora-hora 

Goar na uli ma goarna i, dongan gabe jala mamora 

10. Timbo dolok martimbang, toru nai dalan tu si tapongan 

Sai mamasu-masu ma Amanta Debata sian banua ginjang, sai  

Di tambai Tuhanta ma di hamu angka siadongan 

11. Tubu ma tambisuk , ditoru ni pinasa 

Sai martinodohon dope dakdanak na baru tardidi on, 

Angka anak nabisuk dohot boru na uli basa 

12. Sahat-sahat ni solu, sahat ma di rondang ni bulan 

Leleng ma ibana mangolu, mamboan goarna i, di iring-iring Tuhan