Adat Budaya Batak Umpasa Naposo Bulung

 1. Jolo tinitip sanggar laho bahenon huru-huruan,  

 Jolo sinungkun marga asa binoto partuturan.  

2. Hau simartolu da ito, binarbarbahen gulang-gulang  Pos ma roham da ito, huboto hamu boru ni tulang  

3. Molo tao do i hape, beta marsolusolu  

Molo songon i do hape, ba nengkok ma anak ni namboru  4. Bidang bulung ni rimbang, bidang bulung ni dulang  Uli do na marpariban , alai ulian do marboru ni tulang  5. Manuk ni pealangge hotek hotek laho marpira  

 Sirang na mar ale-ale, lobian mate an ina.  

6. Silaklak ni landorung tu dakka ni sila-sila,  

 Ndang iba jumonok-jonok tu naso oroan niba.  

7. Metmet dope sikkoru da nungga dihandang- handangi,   Metmet dope si boru da nungga ditandang-tandangi.  8. Torop do bittang di langit , si gara ni api sada do   Torop do si boru nauli, tinodo ni rohakku holoan ho do  9. Rabba na poso, ndang piga tubuan lata  

 hami na poso, ndang piga na umboto hata  

10. Tudia ma luluon da goreng-goreng bahen soban, Tudia ma luluon da boru Manihuruk bahen dongan. 

11. Tudia ma luluon da dakka-dakka bahen soban, 

 Tudia ma luluon da boru Sinaga bahen dongan. 

12. Naung sampulu sada, Jumadi sampulu dua 

 Boruni datulang, beta hita mangalua.