Parboru
1. Sai jolo ninang nang do asa dinungnung,
Sai jolo pinangan do asa sinungkun.
2. Buruk-buruk ni durung, parasaran ni sioto,
Bangkona do manungkun, molo so binoto.
3. Danggur ma danggur barat toho tu duhut-duhut di toruni singkoru, Nungga bosur hami mangan indahan na las sagat marlompan juhut, ba hatana paboa hamu ma raja ni boru.
4. Sande sige tu bungkulan ni sopo,
Bangkona do manise molo so binoto.
5. Dia ma nuaeng langkatna, dia nidokna,
Dia ma nuaeng hatana, dia ni dokma.
Paranak
6. Godang sibutong-butung otik sipirni tondi,
Tung so sadia pe nahupatupa hami,
sai pamurnas mai tu pamatang, saudara tu bohi.
7. Habang pidong halohalo, di dongani sitapi-tapi
las ma rohamu na manjalo, i do pe natarpatupa hami.
8. Sitip ma sigompa golang-golang pangarahutna,
Tung otik pe nahupatupa hami sai godang ma pinasuna,
9. Bulung ni dapdap langkop,
Ba i dope na adong, ba i ma taparhajop.
Parboru
10.Bagot na marhalto ma na tubu di robean,
Horas ma hami namanganton,
sai martamba sinadongan di hamu namangalehon. (biasanya Horong ni hula hula do mandok songoni)
Paranak
11.Bagot na marhalto ma na tubu di robean,
Horas ma hamu Hula-hula nami namanganton,
sai martamba sinadongan di hami namangalehon. (on ma didok paranak/raja ni pamoruon di nalaho pasahathon tudu-tudu sipanganon. Dohot angka naasing).
Parboru
12.Tubu simaroharoha di topi ni tapian,
Sai ro ma tuhamu silas ni roha tiur nang pansarian.
13.Ranting ni bulu duri jait masijaotan,
Angkup ni hata nauli dia ma sitaringotan,
14.Bona aek puli di dolok ni sitapongan,
Sai tubu ma di hamu angka nauli,
jala sai dor ma nang pangomoan.
Paranak
15. Pitu lili nami paualu jugianami,
nauli do nipinami, ai di jangkon boru muna do anak nami. 16. Inganan masibulu dolok si tapongan,
Barani pe hami manjumpai hamu,
Ndada ala godang ni si nadongan.
17. Barita ni lampedang mardangka bulung bira,
Barita ni burjumu marboru, tarbege do ro didia. 18. Amporik mallipik, onggang marbabang,
Gabe do parsinamot na otik,
laos gabe do parsinamot nagodang.
19. Aek Godang tu aek laut,
dos ni roha do sibahen nasaut.
20. Balintang ma pagabe tumundalhon sitadoan,
Arinta ma gabe molo marsipaolooloan.
Parboru
21. Pat ni gaja ma tu pat ni hora,
Pahompu ni raja do hamu jala anak ni na mora. 22. Barita ni lampedang mardangka bulung bira,
Barita ni hamoraon muna tarbege do ro didia.
23. Pitu lili nami paualu jugianami,
nauli do nang nipinami,
Ai gohanmuna ma nuaeng hajut nami
Paranak
24. Habang ansosoit tu tadatada,
nang na hami namangkolit sibahenon do nasoada. 25. Niluluan tandok hape dapot parindahanan,
Tolap pamangan do nian mandok,
Alai ndang tuk jamaon ni tangan.
Dongan sahuta
26, Lubuk sigura-gura denggan do panialaan.
Molo mangido hula-hula,
Olat ni natarbehen ba tambaan.
27. Dolok ni pangaloan hatubuan ni hau toras,
Na marsipa olo-oloan do, Mambahen gabe jala horas. Tuat siputi,nangkok sideak, ia i na umuli, i ma tapareak. Tulang
28. Bulung na matampuk, bulung ni si marlasuna,
Nungga hujalo jambar tintin marangkup,
dohonon ma hata pasupasu.
29. Hot pe jabu i pinahotni Golang-golang,
Tung sian dia pe mangalap boru bere i,
Sai hot do i boru ni Tulang.
30. Sai tong do i lubang nang pe di hukkupi rere,
Sai hot do iboru ni Tulang, Manang na boru nise pe dialap bere.
إرسال تعليق
Silahkan berkomentar dengan sopan. Trimakasi