Adat Budaya Batak Umpasa Mangampu Hula-hula

1. Asa horbo sitingko tanduk tu silapang naualu,  

 Parbutuha mangalilit parmata mangalu-alu ,  

 Di balian do manggagat di huta anggo margalu,  

 Hata pasu hata gabe naung pinasahat muna hula-hula nami,   Ampe mai di sambubuhon nami, tuat tuabara, ampu di abingan nami,   Jala ampuon nami ma martongani jabu.  

2. Tur tur ninna anduhur tio tio ninna lote,  

 Hata pasu naung pinasahat muna raja nami,  

 Sai unang ma muba uang mose.  

3. Sahat solu sahat ma tubortean tu tiga ras,  

 Leleng ma hita mangolu sahat tu panggabean tu parhorasan.  4. Ni durung si Tuma laos dapot Pora·pora.  

 Molo mamasu-masu hula-hula mangido sian Tuhan,  

 Napogos hian iba, boi do gabe mamora.  

5. Songgop si Ruba-ruba tu dakka ni Hapadan,  

 Angka pasu-pasu na nilehon muna,  

 Sai dijangkon tondi ma dohot badan.  

6. Mardakka jabi-jabi, marbulung ia si tulan  

 Angka pasupasu na pinasahat muna,  

 Sai sude mai dipasaut Tuhan.  

7. Naung sampulu sada, jumadi sampulu tolu, 

 Angka pasupasu pinasahat muna,  

 Sai anggiatma padenggan ·ngolu.  

8. Naung sapulu pitu, jumadi sapulu ualu,  

 Angka pasupasu pinasat muna hula-hula nami,  

 Diampu hami ma di tonga jabu.  

9. Habang pidong sibigo, paihut-ihut bulan,  

 Saluhut angka na tapangido, sai tibu ma dipasaut Tuhan.  10. Obuk do jambulan, nidandan ni boru Samara  

 Pasupasu na mardongan tangiang sian hula-hula,  

 Mambahen marsundut-sundut soada mara.  

11.Tinapu bulung nisabi, baen lompan ni pangula  

 Sahat ma pasu’pasu na nilehon muna i tu hami,  

 Sai horas ma hamu nang hula-hula.  

12.Suman tu aek natio do hamu, riong-riong di pinggan pasu,   Hula-hula nabasa do hamu, na girgir mamasu-masu.  

13.Mangula ma pangula, dipasae duhut-duhut,  

 Molo burju marhula-hula, dipadao mara marsundut-sundut 

14.Aek sigura-gura riongriong di pinggan pasu,  

 Hami hula-hula naringgas do mamasu-masu  

 Tu Dongan Sahuta .  

1. Asa harbangan dalan tu huta, balatuk dalan tu jabu,  

 hata pasu hata gabe naung pinasahat raja ni dongan sahuta,   Ampuon nami ma martonga ni jabu.  

2. Aek marjullak-jullak,  

 Jullak jullak nai tinahu binahen tu tabu tabu,  

 Hata nauli hata nadenggan naung pinasahat muna tu hami,  

 Ampuan tami ma martonga ni jabu.  

3. Sahat solu sahat ma tubortean tu tiga ras,  

 Leleng ma hita mangolu sahat tu panggabean tu parhorasan  4. Doding ni doding, doding ni Mandalas  

Angka paspasumuna i sai unang ma muba unang sesa.  

5. Bulung ni team ma tu bulung ni situlan Ba molo tarbahen sai topot hamu  hami ganup bulan Ba molo so boi bulung situlan ba pinomat bulung salaon   Ba molo so boi ganup bulan pinomat tolu hali sataon.