Adat Budaya Batak Tintin marangkup (pemberian sejumah uang kepada paman penganten pria) dimaknai sebagai memohon dukungan pada paman agar paman mau memaafkan karena berenya telah menikah anak gadis bukan keturunan tulangnya (pariban). Dan kiranya pamannya dapat menerima anak gadis yang dinikahi oleh berenya diterima menjadi putri pamannya. Dengan kata lain perjanjian antara Pamannya (Tulangnya) mempelai pria dengan orangtua mempelai wanita bahwa meskipun mempelai pria menikah bukan dengan putri pamannya, melainkan dengan putri dari marga lain, namun mereka akan memperlakukan mempelai wanita sama seperti putri mereka sendiri. Pihak Tulangnya mempelai pria akan memperlakukan si mempelai perempuan sama seperti putri mereka. (Sisada boru ma nasida). Kesepakatan ini sesungguhnya membawa konsekuensi logis dalam banyak hal.
Anak bawa di halak batak berkewajiban do manopot/mangalap/mangoli boru ni tulang.
Molo ndang boru ni tulang di topot, adong ma kewajiban ni paranak dohot parboru pasahat tintin marangkup (bentuk hepeng) tu tulang ni anak mangoli.
Paranak mangalehon sabagian, parboru mangalehon dua bagian (dua hali godang ni na nilehon ni paranak), jala dipasada do i dibagasan amplop.
Paranak holan patandahon parboru do tu tulang ni anak mangoli alai na pasahathon tintin marangkup parboru do.
Jadi dung dijalo tulang ni anak mangoli jambarna i, dianggap ma na nialap ni berena i songon boru tubuna.
Jadi adong ma kewajibanna songon parboru pasahat ulos herbang, dengke, parbue gabe, i do umbahen na adong umpasa na mandok:
Hot pe jabu i tong do margulang-gulang Boru ni ise pe dialap bere i tong do i boru ni tulang
1. Pasahat Ulos tu Penganten
Pasahat ulos holong parboru:
Mardangka salohot, tanda do na sumolhot.
Ise na sumolhot ima na parjolo pasahat ulos:
Dongan tubu
Boru
Dongan sahuta
Ulos ni parsadaan
Dung i pinasahat ma tingki tu tulang laho pasahathon ulos sian horong ni tulang ni parboru:
a. Hula-hula/tulang tangkas ni boru muli
b. Tulang
c. Bona Tulang
d. Tulang rorobot
e. Hula-hula ni na marhaha-maranggi
f. Hula-hula ni anak manjae
Alai molo dipanghataion (marhata sigabe-gabe), tulang tangkas ni boru muli ma parpudi/pargomgom. Dung singkop on sude, parboru mangalehon tingki tu horong paranak pasahat ulosna.
Pasahat ulos sian horong ni hula-hula/tulang ni paranak:
a. Hula-hula/tulang tangkas ni pangolin
b. Tulang
c. Bona Tulang
d. Tulang rorobot
e. Hula-hula ni na marhaha-maranggi
f. Hulahula ni anak manjae
Molo di panghataion (marhata sigabe-gabe) tulang tangkas ni pangoli ma parpudi. Tangkas do hita sude mamboto dung sidung marhata sinamot na parjolo dipasahat pihak paranak/pamoruon ima:
a. Sinamot na gok tu suhut na bolon
b. Todoan tu suhi ni ampang na opat
c. Dung i dipasahat ma muse angka pinggan panganan
Catatan : Molo diparboru digoari ma pinggan panganan; diparanak ulos tinonunsadari Suang songon i do na pasahat ulos pihak parboru
a. Parjolo ma dipasahat ulos pansamot tu natoras ni hela
b. Mangihut ma ulos hela tu penganten dohot mandar ni hela
c. Ulos tu sijalo todoan (suhi ni ampang na opat) sian paranak
d. Dipasahat ma muse ulos tinonun sadari
Songoni do nang horong ni tulang na pasahat ulos, na manjalo todoan (tulang tangkas ni boru muli/tulang tangkas ni hela; molo dung tingkina/giliran ni tulang) angka on do na parjolo pasahat ulos sian horong ni angka tulang dohot sian horongna sandiri. Dung i mangihut ma angka na pasahat ulos hombar tu urutanna. Jadi asa na sumolhot ma na parjolo pasahat ulos herbang.
Alai molo di panghataion sigabegabe, tulang tangkas ma parpudi/pargomgom laho mandok hata gabe. Nuaeng on mardomu tu arga ni tingki nunga adong angka horong ni tulang napajolohon pasahat ulos herbang hape tulang tangkas sandiri ndang dope pasahat ulosna tu penganten.
Parpudi ma dibahen nasida tulang tangkas ni boru muli/anak mangoli pasahat ulos herbang.
Jala dung sidung nasida pasahat ulos somalna langsung mulak be, hape adong dope kewajibanna pasahat hata pasugabe.
Jadi mangihuthon pandapot ni panurat hurang tingkos do on ai nunga parpudi dibahen nasida pasahat ulos herbang SIJALO TODOAN.
Lumobi di uduran ni tulang tung hurang tingkos do si songon i, alana tulang tangkas on do mangarahon dongan tubuna, jadi tulang tangkas i do tong-tong siihuthonon ni uduran na di ulaon i
2. Marhata Sigabe-gabe
Urutan ni na mandok hata/marhata sigabe-gabe di pihak parboru
a. Boru/bere
b. Dongan sahuta/aleale
c. Dongan tubu
Dung singkop on sude mandok hata, dipasahat ma tu horong ni hula-hula/tulang ni pihak parboru, urutanna ima:
a. Hula-hula ni anak manjae
b. Hula-hula ni na marhaha-maranggi
c. Bona tulang
d. Tulang rorobot
e. Tulang
f. Hula-hula (tulang tangkas ni boru muli)
Dung sidung on sude mandok hata, mangampu ma paidua ni hasuhuton dung i dipasahat ma tu hasuhuton bolon asa diampu.
Dung singkop on sude diulahon, dipasahat ma muse tu pihak paranak. Paranak pasahathon tu horong ni hulahula nasida laho pasahat hata sigabe-gabe. Urutan ni na mandok hata sian horong ni hula-hula ni paranak:
a. Hula-hula ni anak manjae
b. Hula-hula ni na marhaha-maranggi
c. Tulang rorobot
d. Bona tulang
e. Hula-hula (tulang tangkas ni pangoli)
Catatan : Sude angka dongan samarga ni tulang ni anak mangoli digoari ma hula-hula Dung sidung on sude diulahon mangampu ma pihak paranak, urutanna ima: a. Dongan sahuta/aleale
b. Boru/bere
c. Dongantubu
d. Parsadaan marga laos tingkion ma pasahat kado ni parsadaan
e. Paidua ni hasuhuton
f. Hasuhuton
g. Penganten
h. Dipasahat ma muse tu hula-hula asa ditutup dohot ende/tangiang
Catatan : Molo diulaon Unjuk sae ma holan sahut/wakil, penganten na mangampu. Dung sidung on sude dipasahat ma olop-olop (hepeng), hepeng on sebagian sian suhut paranak sebagian sian suhut parboru, pihak paranak pasahathon tu pihak parboru asa dipadomu dung i muse dibagi dua.
Bagian ni paranak dipasahat ma tu horong nasida asa dibagibagi laos songon i nang pihak parboru pasahathon tu horong nasida.
Dung sidung dibagi tu ganup horong diolophonma panggabean parhorasan 3x (tolu hali)
Olopolop… olopolop… olopolop…
Posting Komentar
Silahkan berkomentar dengan sopan. Trimakasi